Þróun efnavöktunarkerfis til varnar mannvirkjum við umbrot í jökli

Abstract

Á árunum 1997-2001 unnu Orkustofnun ásamt Raunvísindastofnun Háskóla Íslands og Vegagerðinni sameiginlega að verkefni með því markmiði að koma á sjálfvirku efnavöktunarkerfi vegna jökulhlaupa og flóða frá eldsumbrotum í Vatnajökli og Mýrdalsjökli. Fyrsti áfangi verkefnisins var að afla bakgrunnsgagna um árstíðarsveiflur í efnastyrk í þeim tíu ám sem rannsakaðar voru og bent á aðra mögulega vaktþætti. Í síðari áfanga verkefnisins voru settir upp nokkrir leiðnimælar í tilraunarekstri samhliða eldri vatnshæðarmælum. Jafnframt hófust tilraunir með hönnun og uppsetningu vöktunarkerfisins og þróun hugbúnaðar tengdum honum. Mikilvægur hluti verkefnisins fólst í gerð sjálfvirks gagnasöfnunar- og gagnaskoðunarkerfis ásamt vefsíðugerð, sem tryggir almennan aðgang að gögnunum.