Gróðurfarsúttekt á Húsafellsskógi og Geitlandi 2010 : skýrsla til Umhverfisstofnunar

Abstract

Vistfræðileg úttekt á friðlandinu í Húsafellsskógi og friðlandinu í Geitlandi innst (austast) í Borgarfirði. Gerð er grein fyrir framvindu Húsafellsskógar á völdu athugunarsvæði þar sem mældur var undirgróður, þéttleiki og hæð birkis og niðurstöður bornar saman við eldri mælingar á sama svæði. Ástand gróðurs í Geitlandi var metið á tveimur völdum svæðum og lögð út mælisnið fyrir gróðurþekju á jaðarsvæðum í báðum friðlöndunum til að skapa viðmið fyrir framtíðarvöktun svæðanna. Fjallað er um verndargildi og verndunarsjónarmið fyrir bæði svæðin og ábendingar um nýtingu svæðisins settar fram.