Neðri hluti Hvítár í Borgarfirði - kortlagning flóðs 2006

Abstract

Þessi skýrsla er endurútgáfa á B.Sc. lokaritgerð höfundar við Landbúnaðarháskóla Íslands um kortlagningu úrkomu- og leysingaflóðs í desember 2006 á afmörkuðu svæði við Hvítá í Borgarfirði. Í kjölfar flóðanna var Vatnamælingum Orkustofnunar falið að kortleggja 2006 flóðin og afla heimilda um eldri flóð og var hluti þessarar vinnu unnin á þeirri stofnun. Útbreiðsla flóðsins 2006 var kortlögð í ArcGIS forriti með ýmsum gögnum og heimildum um útbreiðslu þess. Mælingar úr vatnshæðarmælum í Borgarfirði voru notaðar til að bera saman flóð árin 1971, 1983, 1992 og síðan 2006. Munnlegar heimildir landeigenda voru skráðar, bæði um flóðið 2006 og önnur söguleg flóð en einnig var leitað annarra heimilda um söguleg flóð. Birt eru kort um útbreiðslu 2006 flóðsins og ályktað m.a. um stærð þess miðað við önnur flóð á svæðinu.