Snjóflóð á Íslandi veturinn 2010-2011

Abstract

Veturinn 2010-2011 var fremur hlýr og víðast hvar mun minni snjór í fjöllum en í meðalári. Á Norðurlandi og Austfjörðum var talsverður snjór fyrstu mánuði vetrarins þó sjaldan hafi snjóflóð valdið alvarlegum vandræðum. Í ofanflóðagagnasafn Veðurstofu Íslands eru skráðar u.þ.b. 200 færslur frá þessum vetri en flóðin eru töluvert fleiri vegna þess að stundum eru mörg flóð í sömu skráningunni. Ekkert manntjón varð í þessum flóðum og enginn slasaðist. Aldrei þurfti að grípa til rýminga vegna snjóflóðahættu. Viðbúnaðarástandi var einu sinni lýst yfir. Lítið fjárhagslegt tjón varð í snjóflóðum vetrarins fyrir utan flóð sem féllu yfir vegi og snjóflóð sem féll á bæinn Veisusel í Fnjóskadal. Tvö krapaflóð náðu niður í byggð á Fáskrúðsfirði og olli vatnið skemmdum í húsum.