Niðurstöður ljósgleypnimælinga í Skaftá við Sveinstind árið 2004

Abstract

Í þessari skýrslu er fjallað um mælingar á ljósgleypni sem gerðar voru árið 2004 í Skaftá við Sveinstind. Ferlar ljósgleypni (óbein mæling á svifaursstyrk) og rennslis falla í meginatriðum vel saman, en innar hverrar dægursveiflu er nokkur tímamunur á þessum ferlum sem veldur réttsælis lykkjusambandi (clockwise hysteresis) innan hvers dags. Þessi tímamunur milli rennslis og ljósgleypni er líklega til kominn vegna útskolunar sets við jökul við vaxandi rennsli svo að minna set verður eftir til framburðar þegar rennsli er í rénun. Nokkrir áberandi rigningartoppar voru skoðaðir á sama hátt og kom í ljós að í þeim var þetta samband óreglulegt og rangsælis og skiptir þar dreifing og tímasetning úrkomu innan vatnasviðsins sérstaklega miklu máli. Samband ljósgleypni og styrks svifaurs í 11 svifaurssýnum var skoðað og með aðhvarfsgreiningu voru fundin út vísisföll sem notuð voru til að reikna samfelldan svifaursstyrk fyriri efni fíngerðara en 0,2 mm.