#

Námserfiðleikar og velgengni í námi : um mikilvægi stuðnings

Skoða fulla færslu

Titill: Námserfiðleikar og velgengni í námi : um mikilvægi stuðningsNámserfiðleikar og velgengni í námi : um mikilvægi stuðnings
Höfundur: Sigrún Harðardóttir 1956 ; Guðrún Kristinsdóttir 1945
URI: http://hdl.handle.net/10802/11875
Útgáfa: 2016
Efnisorð: Framhaldsskólanemar; Námsörðugleikar; Stuðningsúrræði
Tungumál: Íslenska
Tengd vefsíðuslóð: http://netla.hi.is/greinar/2016/ryn/02_ryn_arsrit.pdf
Tegund: Tímaritsgrein
Gegnir ID: 001440027
Birtist í: Netla 2016
Athugasemdir: Rafræn útgáfa eingönguRitrýnd grein
Útdráttur: Í greininni er fjallað um stöðu nemenda sem eiga við námsvanda að stríða innan skólakerfisins. Fyrri rannsóknir hafa sýnt að námserfiðleikar eru einn helsti áhættuþátturinn að baki brotthvarfi úr námi. Greint er frá niðurstöðum nýlegrar rannsóknar sem ætlað var að varpa ljósi á hvað nemendur með námserfiðleika telja að hafi haft áhrif á námsárangur þeirra. Byggt er á vistfræðikenningu Bronfenbrenners um gagnvirk áhrif foreldra, skóla og samfélags á þroska og aðlögun barna, og á öðrum rannsóknum sem sýna hvað hefur áhrif á líðan nemenda með námserfiðleika og námsframvindu þeirra. Tekin voru viðtöl við tíu ungmenni sem áttu við námserfiðleika að stríða alla skólagönguna en náðu þrátt fyrir það að ljúka námi í framhaldsskóla. Sjónarmið nemenda sjálfra eru nú í auknum mæli talin mikilvæg og viðtalsrannsóknir undanfarinna ára sýna að mörg börn og ungmenni tjá sig vel um eigin reynslu. Leitað var svara við eftirfarandi meginspurningum: Hver er reynsla nemenda með námserfiðleika af skólagöngu? Hvað stuðlar að jákvæðri námsframvindu á meðal nemenda með námserfiðleika? Í viðtölunum komu fram þrjú meginatriði: a) Erfiðleikar við að fá námsvandann viðurkenndan, b) tilhneiging til að aðgreina nemendur og flokka, og c) hvatning og stuðningur foreldra og skóla sem stuðlaði að seiglu og velgengni í námi. Seigla sem nemendur komu sér upp með stuðningi í nærumhverfinu virtist ráða mestu um aukna trú ungmennanna á eigin getu. Þetta varð til að þeim tókst að ljúka námi þrátt fyrir námserfiðleika. Í greininni er þessum niðurstöðum lýst og loks er fjallað um mikilvægi þess að tryggja farsælt nám allra á jafnréttisgrunni með því að skólar komi betur til móts við þann hóp nemenda sem gengur illa í námi.


Skrár

Skrá Stærð Skráartegund Skoða Lýsing
02_ryn_arsrit.pdf 709.8Kb PDF Skoða/Opna Heildartexti

Þetta verk birtist í eftirfarandi flokki:

Skoða fulla færslu

Leita


Fletta