Skýrsla um fyrirvaralausar rekstrartruflanir í raforkukerfinu 1992-2002

Abstract

Starfshópur um rekstrartruflanir (START) er samstarfsvettvangur helstu raforkufyrirtækja landsins auk Orkustofnunar um skráningu rekstrartruflana og mat á kostnaði notenda vegna straumleysis. Í skýrslunni er birt yfirlit yfir fyrirvaralausar rekstrartruflanir frá 1992 til 2002 í raforkukerfi aðildarfyrirtækja START-hópsins, byggt á skráningu fyrirtækjanna sjálfra. Fylgt er skráningarformi hönnuðu af START-hópnum og leiðbeiningum sem því fylgja. Í þessari samantekt er sýndur straumleysistími á ári, reiknaður sem hlutfall milli skertar orku til notenda og heildarorkuvinnslu, margfaldaður með fjölda mínútna í heilu ári, á þessu tímabili 62 til 712 mínútur. Skerðing til endanlegra notenda var 953 til 6153 MWh á þessu tímabili. Árin 1992 og 1995 skera sig úr að því er varðar straumleysistíma og orkuskerðingu. Árið 1992 er fyrsta heila ár skráningar allra þáttakenda að START og var mikið um truflanir það ár, 1996 er ár snjóflóðanna á Súðavík og Flateyri.