#

Tekjuskipting á Íslandi : þróun og ákvörðunarvaldar

Skoða fulla færslu

Titill: Tekjuskipting á Íslandi : þróun og ákvörðunarvaldarTekjuskipting á Íslandi : þróun og ákvörðunarvaldar
Höfundur:
URI: http://hdl.handle.net/10802/5091
Útgefandi: Hagfræðistofnun Háskóla Íslands
Útgáfa: 2001
Efnisorð: Hagfræði; Tekjur; Rannsóknir; Hagfræði; Skýrslur; Tekjuskipting; Launajafnrétti; Rannsóknir; Skýrslur
ISBN: 9979904526 (ób.)
Tungumál: Íslenska
Tengd vefsíðuslóð: http://hhi.hi.is/sites/hhi.hi.is/files/B-series/Med_forsidu/Tekjuskipting_skyrsla.pdf
Tegund: Skýrsla
Gegnir ID: 991012066909706886
Athugasemdir: Myndefni: kort, línurit, töflur
Þetta rit er önnur haustskýrsla Hagfræðistofnunar um efnahagsmál, en fyrsta skýrsla stofnunarinnar í þessari ritröð kom út í nóvember á síðasta ári og fjallaði um viðskiptajöfnuð þjóða frá ýmsum hliðum. Nú er kastljósinu beint að tekjuskiptingu hérlendis en Íslendingar hafa ekki farið varhluta af þeirri umræðu sem átt hefur sér stað í heiminum undanfarin ár um misskiptingu auðs og tekna.

Það er staðreynd að ójöfnuður hefur aukist milli ríkra og fátækra landa á síðustu áratugum, jafnvel þótt sum hinna fátækari hafi náð að vinna sig upp í hóp ríkra landa. Ennfremur hefur ójöfnuður aukist innan margra vestrænna ríkja, sem af sumum hefur verið talinn fylgifiskur aukinna utanríkisviðskipta, frjálsari fjármagnsflutninga og markaðsvæðingar – sem í daglegu tali kallast alþjóðavæðing. Þannig hefur alþjóðavæðing mikil áhrif á mannauð því að ein tegund þekkingar verður verðlaus í kjölfar hennar en önnur hækkar í verði og tekjuskiptingin breytist – störf og atvinnugreinar úreldast. Starfsmenn sem áður gátu vel séð sér og sínum farborða eiga nú vart til hnífs og skeiðar, en illa launuð störf sem kröfðust mikillar menntunar hafa nú orðið eftirsótt og launin hækkað.

Í skýrslunni er ýmsum spurningum velt upp um stefnu ójafnaðar og ástæður hans og leitast er við að svara þeim í ljósi nýjustu hagfræðikenninga, svo sem í tengslum við alþjóðavæðingu og tækniframfarir. Lögð er rík áhersla á að tengja umfjöllunina íslenskum aðstæðum. Sérstaða landsins er dregin fram en einnig er reynt að meta áhrif alþjóðlegra þátta á tekjujöfnuð hérlendis. Þá eru einnig birtar niðurstöður af umfangsmiklum tölfræðilegum rannsóknum á ójöfnuði sem gerðar voru í tengslum við verkefnið. Fjallað er sérstaklega um tengsl búsetu, kynferðis, atvinnulífs, hagsveiflna og tekjuskiptingar. Einnig er efnahagslegur hreyfanleiki meðal Íslendinga skoðaður.

Rannsóknin var gerð á tímabilinu janúar til desember 2001. Margir hafa lagt hönd á plóginn við gerð þessarar skýrslu og eiga þeir þakkir skilið. Sérstakar þakkir fá starfsmenn ríkisskattstjóraembættisins þeir Indriði H. Þorláksson, Ævar Ísberg, Páll Kolbeins, Jón Zophoníasson og Bragi Leifsson og einnig Steingrímur Ari Arason og Gunnar Karlsson hjá Lánasjóði íslenskra námsmanna fyrir ómetanlega aðstoð við að byggja gagnagrunn þann sem notaður var í rannsókninni. Einnig ber að þakka Sigurði Guðmundssyni hjá Þjóðhagsstofnun sem teiknaði kortin í 8. kafla og Sigurði Jóhannessyni hjá Samtökum atvinnulífsins og Sigurði Snævarr, borgarhagfræðingi fyrir margar góðar ábendingar. Þessir aðilar bera þó á engan hátt ábyrgð á villum sem kunna að leynast í skýrslunni eða skoðunum sem fram koma. Rannsóknin er styrkt af forsætisráðuneytinu.
Útdráttur: English summary: s. 147-149


Skrár

Skrá Stærð Skráartegund Skoða
Tekjuskipting_skyrsla.pdf 1.301Mb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta