#

Húsakönnun : Frakkastígur - Grettisgata - Vitastígur - Bergþórugata

Skoða fulla færslu

Titill: Húsakönnun : Frakkastígur - Grettisgata - Vitastígur - BergþórugataHúsakönnun : Frakkastígur - Grettisgata - Vitastígur - Bergþórugata
Höfundur: Drífa Kristín Þrastardóttir 1976 ; Guðný Gerður Gunnarsdóttir 1953 ; Skipulagsfulltrúinn í Reykjavík
URI: http://hdl.handle.net/10802/4885
Útgefandi: Árbæjarsafn
Útgáfa: 2006
Ritröð: Minjasafn Reykjavíkur., Skýrslur Minjasafns Reykjavíkur - Árbæjarsafns ; nr. 131Skýrslur Árbæjarsafns ; nr. 131
Efnisorð: Húsfriðun; Húsavernd; Byggingar; Reykjavík
Tungumál: Íslenska
Tengd vefsíðuslóð: http://www.minjasafnreykjavikur.is/skyrslur/skyrsla_131.pdf
Tegund: Skýrsla
Gegnir ID: 991002871619706886
Athugasemdir: Unnið að beiðni Skipulagsfulltrúa Reykjavíkur vegna deiliskipulagsvinnu
Myndefni: myndir, uppdr.
Hér fer á eftir könnun byggðar á staðgreinireitum 1.190.0 og 1.190.2 í Reykjavík, en svæðið afmarkast af Frakkastíg, Grettisgötu, Vitastíg og Bergþórugötu. Húsakönnunin er unnin að beiðni Skipulags- og byggingarsviðs Reykjavíkur í samræmi við skipulagslög vegna gerðar deiliskipulags á svæðinu. Þessir reitir eru innan þess svæðis sem varðveisluskrá Reykjavíkur nær til, en það er svæðið innan Hringbrautar / Snorrabrautar. Húsin á þessum reitum voru flest byggð upp úr aldamótunum 1900 eða á tímabilinu 1902–1912, en mörg einnig á 3. og 4. áratugi aldarinnar og þau yngstu á 9. áratugnum. Ekki er um að ræða tæmandi sögulega úttekt á viðkomandi svæði, en þó er skoðað hvaða hús hafa verið byggð á svæðinu í gegnum árin og þau metin sem enn standa. Sú rannsókn er nauðsynleg til að átta sig á samhengi byggðarinnar og þróun svæðisins.

Við mat á varðveislugildi húsa hefur verið beitt svokallaðri SAVE-aðferð (Survey of Architectural Value in the Environment) sem gerð er grein fyrir í ritinu Leiðbeiningar um gerð bæja- og húsakannana, útgefnu af Húsafriðunarnefnd ríkisins 1996. Þar er höfð til hliðsjónar dönsk SAVE-aðferð, þar sem lagt er mat á fjóra þætti: Listrænt gildi, menningarsögulegt gildi, umhverfisgildi og upprunalega gerð. Varðveislugildi húsa byggist síðan á innbyrðis mati á vægi hvers þáttar og vega þar þyngst gildi byggingarlistar, menningarsögu og umhverfis. Einnig er stuðst við Húsverndarskrá Reykjavíkur, sem gefin var út sem þemahefti með Aðalskipulagi Reykjavíkur 1996–2016, Húsvernd í Reykjavík, svæðið innan Hringbrautar / Snorrabrautar. Þar sem húsverndarskráin er ekki að öllu leyti byggð á rannsóknum heldur á fyrirliggjandi gögnum og úttekt byggðarinnar á staðnum, getur verið nauðsynlegt að gera breytingar eftir nákvæmari húsakönnun.


Skrár

Skrá Stærð Skráartegund Skoða
skyrsla_131.pdf 22.09Mb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta