|
Athugasemdir:
|
Myndefni: myndir, kort, línurit, töflur
Þessi rannsókn er unnin að undirlagi Ferðamálastofu en óskað var eftir úttekt á svæðisbundnu markaðsstarfi og þeim ólíku aðferðum, leiðum og hugmyndafræði sem beitt er. Í þessari skýrslu er markmiðið að skoða hvernig svæðisbundnu markaðsstarfi er háttað og hvernig stilla megi betur saman strengi allra þeirra ólíku þátta sem falla undir ferðaþjónustu á einu svæði. Þessa samþættingu þarf að reyna án þess að fórna eða einfalda um of þá vöru sem í boði er, sem er landið sjálft, menning þess og saga (Guðrún Þóra Gunnarsdóttir, 2005: 30). Þær rannsóknarspurningar sem hér verður leitast við að svara eru: 1 Hvernig er hlutverki, starfsemi og uppbyggingu markaðsstofa um landið háttað? 2 Hverjir koma að mótun svæðisbundinnar markaðssetningar og með hvaða hætti? |
