#

Náttúrufar og náttúruminjar suðvestan Vatnajökuls

Skoða fulla færslu

Titill: Náttúrufar og náttúruminjar suðvestan VatnajökulsNáttúrufar og náttúruminjar suðvestan Vatnajökuls
Höfundur: Snorri Baldursson 1954 ; Sveinn P. Jakobsson 1939 ; Sigurður H. Magnússon 1945 ; Guðmundur Guðjónsson 1953 ; Umhverfisráðuneytið
URI: http://hdl.handle.net/10802/4224
Útgefandi: Náttúrufræðistofnun Íslands
Útgáfa: 09.2006
Ritröð: Náttúrufræðistofnun Íslands., Skýrslur ; NÍ-06008
Efnisorð: Umhverfisvernd; Náttúruminjar; Jarðfræði; Lífríkið; Þjóðgarðar; Hálendi Íslands; Vatnajökull; Vatnajökulsþjóðgarður
ISSN: 1670-0120
Tungumál: Íslenska
Tengd vefsíðuslóð: http://utgafa.ni.is/skyrslur/2006/NI-06008.pdf
Tegund: Skýrsla
Gegnir ID: 000987558
Athugasemdir: Unnið fyrir umhverfisráðuneytiðHöfundar: Snorri Baldursson, Sveinn P. Jakobsson, Sigurður H. Magnússon og Guðmundur GuðjónssonMyndefni: myndir, kort
Útdráttur: Hálendið suðvestan Vatnajökuls, frá Þórisvatni í vestri að Núpsá í austri, er mótað af eldsumbrotum, nábýli við Vatnajökul og jökulám sem þaðan renna. Vesturhlutinn, afréttir Skaftártungu og Síðumanna, einkennist af löngum gossprungum og móbergshryggjum sem stefna frá suðvestri til norðausturs. Milli þeirra eru dalir og sléttur og er landið þakið hraunum og vikursöndum með stöðuvötnum. Á þessu svæði eru óvenju margar vel varðveittar gíggerðir og bergfræði gosmyndana er mjög áhugaverð. Nokkur afar mikilvæg eldgos í sögulegum skilningi hafa orðið á þessum hluta gosbeltisins. A.m.k. sex jarðmyndanir, þ.e. Tungnárhraunagígar, Vatnaöldugígar, Veiðivatnagígar, móbergshryggir milli Veiðivatna og Eldgjár, Eldgjárgossprungan og Lakagígar (Eldborgaraðir) með Skaftáreldahrauni, eru merkar á landsvísu og þrjár þeirra eru líklega merkar á heimsvísu. Lífríki vestursvæðisins mótast af mikilli úrkomu, tiltölulega háum sumarhita og eldvirkni. Fundist hafa nokkrar tegundir fléttna og mosa sem eru sjaldgæfar á landsvísu. Mosagróður er sennilega ekki jafn ríkjandi eða einkennandi í gróðurfari nokkurs annars svæðis á landinu. Einkennisvistgerð svæðisins er breiskjuhraunavist sem hefur hátt verndargildi á landsvísu. Verndargildi vestursvæðisins í heild er hátt vegna einstaks landslags, jarðminja og vistgerða.

Á austurhluta svæðisins, afrétti Fljótshverfinga, er að finna sérkennileg, víðáttumikil móbergslög frá jökulskeiðum ísaldar en lögum af þessu tagi hefur ekki verið lýst annars staðar á jörðinni. Lífríki svæðisins er fremur lítið rannsakað. Í Núpsárdal er náttúrlegur birkiskógur, Núpsstaðarskógar. Núpsstaðarskógar og nágrenni eru af mörgum taldir með fegurstu stöðum á landinu.

Náttúrufræðistofnun leggur til að stór hluti svæðisins suðvestan Vatnajökuls verði friðlýstur vegna jarðminja sem teljast merkar á lands- og heimsvísu og sérstæðs lífríkis.


Skrár

Skrá Stærð Skráartegund Skoða
NI-06008.pdf 27.44Mb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta