Fuglar við Þeistareyki

Abstract

Í byrjun júní 2003 óskuðu Þeistareykir ehf. eftir því að Náttúrufræðistofnun Íslands gerði úttekt á fuglalífi (varpfuglafánu) í nágrenni jarðhitasvæðisins við Þeistareyki.

Í þessari skýrslu verður gerð grein fyrir niðurstöðum úttektarinnar sumarið 2003. Sagt verður almennt frá fuglalífi svæðisins samkvæmt upplýsingum í gagnasafni Náttúrufræðistofnunar Íslands. Loks er gerð sérstök grein fyrir fálka og hrafni sem eru á válista, auk þess sem fjallað er um smyril. Rannsóknir á fálka, hrafni og smyrli í nágrenni Þeistareykja eru liður í yfirgripsmikilli rannsókn á þessum tegundum á Norðausturlandi sem staðið hefur í rúma tvo áratugi.