Byggðir á Íslandi : aðgerðir í byggðamálum

Abstract

Eftirfarandi skýrsla fjallar um styrkleika byggðarlaga, atvinnuþróun í jaðarbyggðum og nýjar áherslur í byggðastefnunni. Í skýrslunni eru byggðasvæði flokkuð eftir styrk byggðarinnar og fjallað um ástæður byggðaröskunar. Fjallað er um atvinnugreinar þar sem veruleg fækkun hefur verið í störfum á landsbyggðinni. Sérstaklega er fjallað um sauðfjárræktarsvæði sem búa við erfiða stöðu og litlar sjávarútvegsbyggðir sem víða hafa átt undir högg að sækja en þessar byggðir eiga að stórum hluta líf sitt og framtíð undir því að lausn sé fundin á vanda þeirra. Settar eru fram tillögur stjórnar stofnunarinnar um sértækar aðgerðir varðandi atvinnuuppbyggingu þessara byggðarlaga. Einnig er fjallað um nýrri þætti í búsetuvali og atvinnuháttum sem valdið hafa brottflutningi af landsbyggðinni. Þessir þættir bjóða jafnframt upp á nýja möguleika ef mörkuð er þar markviss stefna. Settar eru fram ábendingar um leiðir til að nýta þá kosti til eflingar atvinnu og búsetu á landsbyggðinni.