#

Byggðarlög í sókn og vörn : Austurland

Skoða venjulega færslu

dc.contributor.author Halldór V. Kristjánsson 1946 is
dc.contributor.author Sigríður Kristín Þorgrímsdóttir 1956 is
dc.date.accessioned 2013-08-06T14:15:00Z
dc.date.available 2013-08-06T14:15:00Z
dc.date.issued 2004-08
dc.identifier.uri http://hdl.handle.net/10802/3181
dc.description Hér er fjallað um 14 þéttbýlisstaði í 11 sveitarfélögum á Austurlandi. Sveitarfélögin eru Vopnafjarðarhreppur, Skeggjastaðahreppur, Austur-Hérað, Fellahreppur, Borgarfjarðarhreppur, Breiðdalshreppur, Fjarðabyggð, Aust-urbyggð, Djúpavogshreppur, Seyðisfjarðarkaupstaður og sveitarfélagið Hornafjörður. Þéttbýlisstaðirnir eru Vopnafjörður, Bakkafjörður, Egilsstaðir, Fellabær, Bakkagerði, Breiðdalsvík, Neskaupstaður, Eskifjörður, Reyðarfjörður, Fáskrúðsfjörður, Stöðvarfjörður, Djúpivogur, Seyðisfjörður og Höfn.
Byggt er á viðtölum við bæjar- og sveitarstjóra þessara sveitarfélaga og niðurstöðum úr spurningakönnun sem þeir svöruðu. Viðmælendur voru eftirtaldir: Þorsteinn Steinsson sveitar-stjóri Vopnafjarðarhrepps, Áki Her-mann Guðmundsson oddviti Skeggja-staðahrepps, Stefán Bragason bæjar-ritari og Óðinn Gunnar Óðinsson verkefnisstjóri í Austur-Héraði, Jens Pétur Jensen sveitarstjóri Fellahrepps, Magnús Þorsteinsson sveitarstjóri Borgarfjarðarhrepps, Sigfríður Þor-steinsdóttir sveitarstjóri Breiðdals-hrepps, Guðmundur Bjarnason sveitar-stjóri Fjarðabyggðar, Steinþór Péturs-son sveitarstjóri Austurbyggðar, Björn Hafþór Guðmundsson sveitarstjóri Djúpavogshrepps, Tryggvi Harðarson bæjarstjóri Seyðisfjarðarkaupstaðar og Albert Eymundsson sveitarstjóri sveitarfélagsins Hornafjarðar.
Íbúum á Austurlandi hefur fækkað frá árinu 1991. Þeir voru 13.136 árið 1991 en 11.889 árið 2003 eða 9,5% færri. Á sama tíma hefur íbúum á Íslandi fjölgað úr 259.581 í 290.490, eða um 11,9%. Aldursdreifing íbúa árið 2003 á Austfjörðum sýnir að hlutfallslega töluvert færri íbúar eru í yngsta aldurshópnum þ.e. 0-4 ára. Annars er gott jafnvægi í aldurshópunum að 24 ára aldri. Í aldurshópa frá 25 til 34 ára eru hlutfallslega færri karlar og konur en landsmeðaltal, en þessi aldurshópur virðist frekar safnast saman á höfuðborgarsvæðinu en á lands-byggðinni. Í aldurshópum yfir 45 ára eru hlutfallslega færri karlar en konur á Austurlandi árið 2003. Á Austurlandi hefur störfum fækkað um 2,6% á árunum 1998 til 2003, en fjölgað á landsvísu um 7,2% á sama tímabili. Störfum í þjónustugreinum á Austurlandi hefur fjölgað um 5,6% á þessu tímabili, en fjölgað um 14,0% á landsvísu á sama tímabili. Fjölgun starfa í fræðslustarfsemi, opinberri stjórnsýslu og heilbrigðis- og félags-þjónustu vegur ekki upp á móti fækkun starfa í frumvinnslu og verslun og viðgerðaþjónustu.
Birtar eru tölulegar upplýsingar um efnahags- og rekstrarstöðu sveitarfélaga miðað við fjölda íbúa, meðal tekju- og fjárhagsstöðu íbúa ásamt stöðu atvinnulífs, fjölda starfa, fiskvinnslu og afla á Austurlandi. Þessar upplýsingar taka til landshlutans í heild en ekki til einstakra sveitarfélaga. Í SVÓT-greiningunni er hins vegar fjallað um einstaka þéttbýlisstaði og sveitarfélög. Niður-staða úr könnun sem gerð var á netinu á eingöngu við um það bæjar- eða sveitarfélag sem viðkomandi bæjar- eða sveitarstjóri starfar fyrir. Því eru tölulegu upplýsingarnar og greiningin ekki byggðar á sama grunni. Hafa ber einnig í huga að erfitt er að alhæfa um landshlutann í heild vegna mismunandi aðstæðna sveitarfélaga.
Í öllum landshlutum eru sveitarfélög þar sem atvinnu- og samfélagsþættir standa ágætlega, eins og fram kemur í könnun sem gerð var á netinu samfara þessari greiningu. Fjarðabyggð kemur best út af bæjar- og sveitarfélögum á Austurlandi, einnig þótt tekið sé mið af upplýsingum úr öllum landshlutum varðandi atvinnu- og samfélagsþætti.
Margir starfsmenn Byggðastofnunar hafa komið að yfirlestri þessarar skýrslu sem ber að þakka, einnig hefur Gunnar F. Vignisson verkefnisstjóri byggðasviðs Þróunarstofu Austurlands veitt góðar ábendingar.		 is
dc.language.iso is
dc.publisher Byggðastofnun is
dc.subject Atvinnulíf is
dc.subject Austurland is
dc.title Byggðarlög í sókn og vörn : Austurland is
dc.type Skýrsla is


Skrár

Skrá Stærð Skráartegund Skoða
Austurland-001.pdf 288.1Kb PDF Skoða/Opna

Þetta verk birtist í eftirfarandi flokki:

Skoða venjulega færslu

Leita


Fletta