Styrkur mengunarefna í ofanvatni og virkni settjarnar við Víkurveg vatnsárið 2005/2006

Abstract

Í þessari greinargerð eru settar fram niðurstöður rennslismælinga, efnagreininga á sýnum, massajafnvægis og hreinsigráðu settjarnar við Víkurveg vatnsárið 2005/2006. Útrennsli var mælt út frá vatnshæð og rennsli um V-laga yfirfall í útrennslisbrunni tjarnarinnar og innrennsli reiknað miðað við útrennsli og forðabreytingar í tjörninni með hjálp forðalykils. Vatnssýni voru tekin í hlutfalli við rennsli með sjálfvirkum sýnatökubúnaði. Þau sýni vour síðan efnagreind hjá Efnagreiningum Keldnaholti. Massajafnvægi og hreinsigráða tjarnarinnar var síðan reiknað út frá niðurstöðum þeirra mælinga og efnagreininga.