Loftslag, kolefni og mold

Abstract

Í þessu ritier einkum fjallað um kolefni (C) og koltvísýring (CO2) og ferð kolefnis á milli vistkerfa og andrúmslofts. Kolefnið er á ýmsum formum í lífríkinu, í moldinni og síðan einnig í andrúmsloftinu sem CO2 og CH4. Aðrar gróðurhúsalofttegundir en koltvísýringur koma við sögu er varðar hlýnun andrúmsloftsins, svo sem tvínituroxíð (hláturgas - N2O), metan (CH4), óson (O3), og brennisteins-hexaflúoríð (SF6) auk vatnsgufu (H2O). Umfjöllun um hringrás kolefnis hefur einatt verið bundin við losun gróðurhúsalofttegunda vegna bruna á jarðefnaeldsneyti og leiðir til að draga úr þeirri losun – sem er skiljanlegt. Þessi áhersla gerir það þó að verkum mikilvægi vistkerfa í þessu samhengi er iðulega vanmetið. Verulega skortir á almenna þekkingu á mikilvægi vistkerfa fyrir kolefnishringrásina og það endurspeglast í umræðu um loftslag og umhverfismál.