Segulsvið í íbúðarhúsnæði á Íslandi : frumrannsókn

Abstract

Brunamálastofnun og Geislavarnir ríkisins hafa látið gera mælingar á segulsviði á rúmlega 130 heimilum á Íslandi og borið niðurstöðurnar saman við upplýsingar um segulsvið í íbúðarhúsnæði í Svíþjóð. Mælingarnar benda til að segulsvið á heimilum í þéttbýli á Íslandi sé svipað og í sambærilegu húsnæði í Svíþjóð. Mælingarnar sýna að segulsvið yfir 0,4 μT á heimilum á Íslandi er sjaldgæft en þegar það finnst, stafar það oftast af svokölluðum flökkustraumum (sjá skýringu í kafla 2.1). Í flestum tilvikum má draga úr þessum straumum með einföldum aðgerðum. Uppbygging rafdreifikerfa og frágangur raflagna á Íslandi er með sambærilegum hætti og í Svíþjóð. Því má beita sömu rökum á Íslandi og notuð eru í Svíþjóð við mat á hugsanlegri heilsufarsáhættu af segulsviði í íbúðarhúsnæði.