Afkoma Hofsjökuls 2005-2006

Abstract

Lýst er afkomumælingum á Hofsjökli árið 2006 og niðurstöður þeirra birtar. Afkoma jökulsins var neikvæð tólfta árið í röð og var jökulárið 2005-2006 nokkuð nærri meðaltali þeirra 19 ára, sem mælingar ná nú yfir. Til viðbótar við hefðbundin afkomulínurit og töflur eru í greinargerð þessari sett fram nokkur dæmi um niðurstöður eðlisþyngdar- og hitamælinga á snjókjörnum og í gryfjum. Einnig er stuttlega gerð grein fyrir nýju samstarfi um fjarkönnun Hofsjökuls og sýnd dæmi um fyrstu tilraunir til að aðgreina nýsnævi, votsnævi og jökulís með greiningu SAR-mynda af jöklinum.