#

Kvikmyndasafn Íslands : vetur vor 2009

Skoða venjulega færslu

dc.contributor.author Gunnþóra Halldórsdóttir is
dc.contributor.author Björn Ægir Norðfjörð 1974 is
dc.contributor.author Haukur Ingvarsson 1979 is
dc.date.accessioned 2013-06-13T11:43:50Z
dc.date.available 2013-06-13T11:43:50Z
dc.date.issued 2009
dc.identifier.uri http://hdl.handle.net/10802/2830
dc.description Á nýju sýningaári Kvikmyndasafns Íslands, og því sjöunda í röðinni, ber hæst nýtilkomið samstarf
Kvikmyndasafnsins og Háskóla Íslands sem verður með þeim hætti að Kvikmyndasafnið sýnir á
almennum sýningum sínum hluta þeirra mynda sem nemendur í kvikmyndafræði kynna sér. Um er að
ræða nokkrar kvikmyndir japanskra leikstjóra, þekktra á Vesturlöndum, sem þó hafa ekki allar verið
sýndar hér á landi áður. Björn Ægir Norðfjörð aðjunkt í kvikmyndafræði við HÍ skrifar inngangsgrein
og texta með japönsku kvikmyndunum en þær eru allar frá sjötta áratugnum sem hann segir vera
gullaldarár japanskrar kvikmyndagerðar. Verkefnið er stutt af Japanska sendiráðinu í Reykjavík með
beinum fjárframlögum til að útvega fallegar 35 mm sýningakópíur með enskum neðanmálstextum.
Styrkurinn er afar mikilvægur svo kynna megi fyrir Íslendingum list frá framandi og fjarlægum slóðum
og kann safnið sendiráðinu kærar þakkir fyrir.
Haukur Ingvarsson, útvarpsmaðurinn í Víðsjá, þekkir vel til kvikmyndaskáldsins Woody Allen sem
hann fjallaði um í sérstökum útvarpsþætti um leikstjórann. Haukur ritar hér inngangsgrein um Allen og
þrjár mynda hans sem eru á dagskrá að þessu sinni; The Purple Rose of Cairo, Hannah and Her Sisters
og Crimes and Misdemeanors en allar bera myndirnar sterk tragíkómísk einkenni höfundar síns þótt
viðfangsefnin séu ólík.
Nú á tímum kreppu og spillingar dustum við rykið af mafíu- og glæpamyndunum Once Upon a
Time in America, eftir ítalska spaghettivestraleikstjórann Sergio Leone, auk myndar Brian De Palma,
The Untouchables, sem aftur tengist allt annars konar mynd Sergei Eisenstein, Potemkin með tilvísun
De Palma í hið fræga Odessa tröppuatriði Eisenstein í þeirri mynd. Umhverfi glæpamyndanna er
kreppan mikla í Bandaríkjunum í kringum 1930. Sjaldan eða aldrei í kvikmyndasögunni hefur aðsókn í
kvikmyndahús verið meiri en á þeim tíma og fróðlegt að velta því fyrir sér hvort heimskreppan nú muni
hafa sömu áhrif þ.e. að almenningur flykkist í bíó.
Kvikmyndasafnið hefur dregið fram fleiri þætti kvikmyndanna en bara leikstjóra og frægar
kvikmyndastjörnur. Á nýliðnu afmælisári var kvikmyndatökumanninum og mikilvægi hans við gerð
kvikmynda gerð skil. Í þessari dagskrá er það tónsmiðurinn sem við veitum athygli með nokkrum
dæmum um myndir sem kvikmyndatónskáldið Ennio Morricone hefur samið tónlistina fyrir. Þetta eru
ólíkar myndir sem eðli málsins samkvæmt þarfnast mismunandi tónlistar en þó eru höfundareinkenni
tónskáldsins auðheyrð. Um er að ræða kvikmyndirnar Once Upon a Time in America, The Untouchables
og Nuovo cinema Paradiso en hún er eins og The Purple Rose of Cairo, (Allen) óður til kvikmyndarinnar
og áhrifamáttar hennar í lífi einstaklingsins.
Kvikmyndir úr fórum Kvikmyndasafnsins hafa reynst vinsælt efni og hafa vakið áhuga á varðveislu
gamals efnis, ekki síst þegar það tengist æskustöðvum eða heimabyggð gesta í safnabíóinu Bæjarbíói.
Safninu hefur borist fjöldi mynda sem teknar eru á ýmsum stöðum á landinu og á ýmsum tímum, sem
áhugavert er að skoða. Ekki er endilega um að ræða tilbúnar, talsettar myndir heldur í flestum tilfellum
þögular, óklipptar myndir sem áhugamenn hafa tekið til heimanota eða til sýninga hjá félagasamtökum.
Á vordagskránni verða tvær sýningar íslenskra mannlífsmynda úr fórum safnsins. Annars vegar myndir
frá konungskomum til Íslands á árunum 1907 - 1930 en elsta kvikmyndin á þeirri sýningu er jafnframt
með langelstu kvikmyndum safnsins, hins vegar Vestfjarðakvikmynd Guðlaugs Rósinkranz, fyrrum
Þjóðleikhússtjóra. Sú mynd var gerð í kringum 1950 og sýnir kaupstaði, bæi og menningarstofnanir
vestra.		 is
dc.language.iso is
dc.publisher Kvikmyndasafn Íslands is
dc.subject Sýningarskrár is
dc.subject Kvikmyndasöfn is
dc.subject Kvikmyndasaga is
dc.title Kvikmyndasafn Íslands : vetur vor 2009 is
dc.type Smáprent is


Skrár

Skrá Stærð Skráartegund Skoða
synskra2009.pdf 1.281Mb PDF Skoða/Opna

Þetta verk birtist í eftirfarandi flokki:

Skoða venjulega færslu

Leita


Fletta