Vertu þín eigin ferðaskrifstofa : einföld ráð til að lækka ferðakostnaðinn

Abstract

"Vertu þín eigin ferðaskrifstofa" er handbók og verkfæri fyrir sjálfstæða ferðalanga sem vilja skipuleggja ferðalög sín á vefnum á eins hagkvæman hátt og unnt er. Einkum er miðað við ferðalög í Evrópu þó aðrar heimsálfur komi einnig við sögu. Leitað er svara við eftirfarandi spurningum: *Hvernig er hægt að lækka kostnað við flug almennt? *Hvernig er hægt að finna sem ódýrast flug frá Íslandi? *Hvernig er hægt að lækka kostnað við gistingu? *Hvar er helst að finna bílaleigubíl á hagstæðu verði? *Hvernig er hægt að finna ódýr lestarfargjöld? Í bókinni er mikið af fróðleik og hagnýtum ábendingum. Einnig er töluvert um tengla á vefsíður á ensku og því gert ráð fyrir að lesendur geti bjargað sér á ensku. Höfundurinn, Margrét Gunnarsdóttir, er upplýsingafræðingur og mikil áhugamanneskja um ferðalög ásamt því að hafa starfað af og til við fararstjórn erlendis í mörg ár. Hún hefur einnig haldið úti vefsíðunni www.ferdalangur.net síðan 2005 og samnefndu fréttabréfi.