Athugun á Víkurskóla í Mýrdalshreppi

Abstract

Í þessari skýrslu er gerð grein fyrir athugun á ákveðnum, afmörkuðum þáttum í skólastarfi Víkurskóla í Mýrdalshreppi. „Athugunin er gerð í framhaldi af skriflegum samskiptum ráðuneytisins við sveitarstjóra Mýrdalshrepps og í kjölfar kvartana foreldra nemenda við skólann.“ Markmiðið með athuguninni er að kanna hvort nemendur Víkurskóla fái þá þjónustu sem þeim ber samkvæmt lögum um grunnskóla nr. 91/2008. Athugað er hvort nemendur fá þann kennslustundafjölda sem tilgreindur er í lögum og aðalnámskrá en skoðað sérstaklega hvernig forfallakennslu er háttað. Kannað er hvort þeir sem sinna kennslu/forfallakennslu hafi tilskilin réttindi eða undanþágur. Einnig er stjórnun skólans skoðuð og samskipti skólans við foreldra, skólaráð og fræðslunefnd m.a. í tengslum við breytingar á starfi skólans.