CORINE-landflokkunin á Íslandi: CLC2006, CLC2000 og CLC-Change 2000-2006

Abstract

CORINE-verkefnið er samevrópskt landflokkunarverkefni sem felur í sér kortlagningu á landgerðum samkvæmt ákveðnum staðli og er verkefnið unnið með sömu aðferðum og á sama tíma í flestum löndum Evrópu. CORINE-flokkunin er uppfærð á nokkurra ára fresti en megintilgangur hennar er að afla sambærilegra umhverfisupplýsinga fyrir öll Evrópuríki og fylgjast með breytingum sem verða á landnotkun í álfunni með tímanum. Fyrsta CORINE-flokkunin var gerð uppúr 1990 og var hún síðan uppfærð í fyrsta skipti árið 2000 en önnur uppfærslan er miðuð við árið 2006. Reiknað er með að næsta CORINE-flokkun verði gerð árið 2010 eða 2011. Ísland gerðist formlegur aðili að CORINEverkefninu í júní 2007 en þá var byrjað á flokkun landsins fyrir árið 2006 (CLC2006) og síðan voru breytingar sem urðu frá árinu 2000 (CLC-Change2000-2006) kortlagðar. Það leiddi til flokkunarniðurstöðu fyrir árið 2000 (CLC2000). Í þessari skýrslu er gerð grein fyrir CORINEverkefninu, þeim gögnum sem notuð voru, vinnulagi við úrvinnslu þeirra og þeim niðurstöðum sem nú liggja fyrir.