Titill: | Stefnumótun Landmælinga Íslands 2011-2015Stefnumótun Landmælinga Íslands 2011-2015 |
URI: | http://hdl.handle.net/10802/2492 |
Útgefandi: | Landmælingar Íslands |
Útgáfa: | 2011 |
Efnisorð: | Landmælingar; Stefnumótun |
Tungumál: | Íslenska |
Tegund: | Skýrsla |
Athugasemdir: | Landmælingar Íslands eru leiðandi þekkingarstofnun sem hefur það hlutverk að
safna, vinna úr, varðveita og miðla landupplýsingum um Ísland. Landupplýsingar eru grundvallargögn hvers samfélags og tryggja aðgang samfélagsins að upplýsingum varðandi umhverfi og náttúru. Landupplýsingar eru einnig mikilvægar til þess að styðja stefnumótun stjórnvalda á ýmsum sviðum s.s. á sviði framkvæmda, skipulagsmála, umhverfismála og vöktunar á náttúruvá. Mikil breyting hefur orðið á starfsumhverfi Landmælinga Íslands undanfarin ár vegna aukinnar notkunar almennings á landupplýsingum og örrar tækniþróunar á því sviði. Á árinu 2010 var lagt fyrir Alþingi frumvarp til laga um grunngerð landupplýsinga sem tekur mið af INSPIRE tilskipun Evrópusambandsins um notkun og miðlun landupplýsinga. Í frumvarpinu er m.a. gert ráð fyrir að Landmælingar Íslands hafi forystu um innleiðingu INSPIRE hér á landi og miðast eftirfarandi stefnumótun við þær breytingar. Þá er einnig horft til ýmissa innri og ytri aðstæðna sem hafa breyst í samfélaginu auk mögulegra úrbótaverkefna sem nú er verið að vinna að í íslenskri stjórnsýslu. Allir starfsmenn Landmælinga Íslands tóku þátt í mótun nýrrar stefnu og markmiða fyrir árin 2011–2015. Vinnuna leiddi fjögurra manna stýrihópur sem í voru auk undirritaðs, Jensína Valdimarsdóttir starfsmannastjóri, Eydís Líndal Finnbogadóttir forstöðumaður landupplýsingasviðs og Eyþór Ívar Jónsson ráðgjafi og sérfræðingur í stefnumótun. Aðkoma allra starfsmanna leiddi til mjög gagnlegra skoðanaskipta um tækifæri og ógnanir í starfseminni auk þess sem mikil áhersla var lögð á nýsköpun og samvinnu. |
Skrá | Stærð | Skráartegund | Skoða |
---|---|---|---|
Stefnumotun_LMI_2011-2015.pdf | 891.3Kb |
Skoða/ |