Vöktun Náttúrustofu Austurlands 2009 og tillaga um ágangssvæði og veiðikvóta 2010

Abstract

Í þessari skýrslu er birt tillaga Náttúrustofu Austurlands um veiðikvóta haustið 2010 og forsendur tillögunnar krufnar á hverju hinna níu veiðisvæða. Sérstök kynning er á Kringilsárranafriðlandi og þá sérstaklega friðlandsmörkum. Skoðaður er þéttleiki í vetrarhögum og fallþungi felldra dýra og hann borinn saman eftir svæðum og kyni. Helstu tillögur Náttúrustofu Austurlands eru:  Að kvótinn árið 2010 verði 1272 dýr, þar af 860 kýr og 412 tarfar.  Að veiðitíminn verði framlengdur til 20. september, þó þannig að eftir 15. verði aðeins felldar kýr.  Að ágangssvæði verði þau sömu árið 2010 og undanfarin ár.  Að veiðar innan Vatnajökulsþjóðgarðs verði einungis heimilaðar eftir 15. ágúst og notkun sexhjóla við að sækja bráð þar óheimil.  Að um fjórðungur kúaveiðikvótans á svæðum 8 og 9 verði tekinn í nóvember vegna þess að hluti dýranna er á óaðgengilegum stöðum á veiðitíma.