Átgeta íslenskra áa

Abstract

Allmargar tilraunir hafa verið gerðar hérlendis með fóðrun sauðfjár á síðari hluta meðgöngu og eftir burðinn, og tölur um átgetu á þessum tímabilum eru því til í nokkrum mæli. Tilraunir með áhrif haustrúnings á át og afurðir sauðfjár skiluðu líka upplýsingum um fóðurát áa að haustinu, og um áhrif rúnings á átið. Það tímabil þar sem skorturinn á upplýsingum um át áa er hvað mestur er miðsvetrartímabilið, fyrri hluti meðgöngunnar, þegar ærnar eru að jafnaði fóðraðar til viðhalds og mjög hóflegrar þyngingar. Þetta er það tímabil þegar lökustu heyin eru gefin. Í þeirri tilraun sem hér verður sagt frá var safnað gögnum um átgetu íslenskra áa á fyrri hluta meðgöngu. Tilraunin var lögð upp á þann hátt að niðurstöðurnar gætu nýst til að fá fyllri heildarmynd af átgetu íslenskra áa.