Neskaupstaður : skriðu- og snjóflóðaset við Kvíabólslæk

Abstract

Að beiðni Veðurstofu Íslands voru gerðar athuganir á skriðum og ummerkjum eftir snjóflóð í hlíðinni ofan við miðbæ Neskaupstaðar í nóvemberbyrjun 1999. Þá voru nýhafnar framkvæmdir við fyrstu snjóflóðavarnargarðana sem þar stendur til að gera. Á athafnasvæðinu voru góðar opnur í jarðlögin og þar virtist mega lesa í sögu skriðufalla og snjóflóða á svæðinu. Gjóskulög komu að góðu haldi við tímasetningu atburða. Glögg ummerki virðast sjást um Þiljuvallasnjóflóðið svonefnda 1894. Það virðist vera stærsta flóðið sem þarna hefur fallið frá landnámi.