Viðnámsmælingar við Hengil 1999

Abstract

Árið 1999 voru gerðar 77 TEM-viðnámsmælingar við Hengil og á Hellisheiði. Mælingarnar voru túlkaðar bæði með lagskiptu og samfelldu viðnámslíkani. Niðurstöður sýna lágviðnám undir öllu mælisvæðinu. Það rís líkt og hryggur hæst í 250-300 m y.s. undir Hengli og þaðan til austurs að Ölkelduhálsi, en þar er grynnst á lágviðnámið. Undir þessum hrygg er háviðnám neðan lágviðnámsins. Til suðurs, vesturs og norðurs dýpkar á lágviðnámið en austurmörk sjást ekki. Vísbending - en ekki vissa - er um hærra viðnám neðan lágviðnámsins syðst á Hellisheiði. Ásamt mælingunum árið 1999 voru 35 TEM-mælingar við Ölkelduháls frá 1991 og 1992 notaðar við gerð viðnámssniða og korta í þessari skýrslu.