Kárahnjúkavirkjun : jarðgrunnskort af umhverfi Hálslóns

Abstract

Í skýrslunni er gerð grein fyrir kortlagningu jarðgrunns og gerð nákvæms jarðgrunnskorts af næsta umhverfi Hálslóns í tengslum við fyrirhugaða Kárahnjúkavirkjun. Verkið er unnið af Rannsóknasviði Orkustofnunar fyrir Landsvirkjun og er þáttur í söfnun upplýsinga í gagnagrunn um ýmis landform mótuð af jökli, sem gætu haft verndargildi í framtíðinni. Það er aftur liður í Rammaáætlun um nýtingu vatnsafls og jarðvarma og að hluta kostað af Orkusjóði. Greint er frá fyrri rannsóknum og landslagi lýst stuttlega. Síðan er fjallað nákvæmlega um jarðgrunninn, s.s. jökulruðning, jökulárset, jökulgarða, framrás Brúarjökuls og lónset. Einnig eru nefnd helstu áhrif mannvirkja á jarðmyndanir á svæðinu. Helstu niðurstöður eru þær að enn er mörgum spurningum ósvarað hvað varðar sögu gamla lónsins og gröft Dimmugljúfra. Rannsóknir á lónsetinu get m.a. varpað ljósi á það hversu hratt slík lón fyllast af framburði.