Mælingar á rennsli og svifaur í Jökulsá á Dal árið 2000

Abstract

Í þessari skýrslu eru kynntar niðurstöður rennslis- og svifaursmælinga ársins 2000 í Jökulsá á Dal. Mælingarnar staðfesta fyrri rannsóknir, sem bentu til þess, að rennsli árinnar við Hjarðarhaga sveiflast á milli tveggja þrepa sem rennslislyklar 6 og 7 afmarka og virðist það háð rennsli hvor lykillinn er í gildi. Yfir sumarið 2000 sáust miklar breytingar á farveginum, hann virtist vera dýpstur við hæsta rennslið, en grynnstur, þegar rennslið var minnst. Samanburðarmælingar á brú og á kláfi við Hjarðarhaga sýndu að P61 sýnatakinn nær betur til grófasta hluta svifaursins en hefðbundni S49 sýnatakinn. Áberandi góð fylgni var á milli svifaursstyrk P61 sýna og rennslis og er hugsanlegt að í framtíðinni verði hægt að nota samband þessara breyta til reikninga á framburði í stað afleiddra svifaursstærða. Talið er nauðsynlegt að rannsaka breytingar á aurburði og rennsli í tengslum við dynamískt líkan Vatnaskila, sem nú er í lokavinnslu. Einnig þarf að tengja betur framburð svifaurs við skriðaur.