Námafjall : TEM viðnámsmælingar 2001

Abstract

Gerð er grein fyrir viðnámsmælingum á Námafjallssvæði og milli Námafjalls og Kröflu til að kanna tengsl háhitakerfanna. Viðnámsmælingarnar sýna að Námafjallssvæðið er sérstakt háhitakerfi og er grynnst á það undir og rétt sunnan við Námaskarð. Stærð háhitakerfisins er miðuð við þann flöt er lágviðnámskápan umlykur á þúsund metra dýpi og er um 20 ferkílómetrar. Þetta er nokkuð stærra en áætlað var fyrir. Greinileg tenging er á milli Námafjalls- og Kröflusvæðis, en ákveðnar vísbendingar gefa til kynna að kæling hafi átt sér stað þar sem svæðin tengjast.