Efnarannsóknir á vatni úr holum, lindum og gjám í Búrfellshrauni og nágrenni : undirstöður vöktunar vegna affalls frá jarðhitavirkjunum, Kröflu og Námafjalli

Abstract

Gerð er grein fyrir ferliprófun í september 2002 til að kanna streymi affalls frá Kröfluvirkjun eftir Hlíðardalslæk í grunnvatni í og við Búrfellshraun. Ekki þótti ástæða til að nota sérstök ferilefni til að rekja streymisleiðir grunnvatns heldur kanna fremur styrk nokkurra snefilefna sem einkenna grunnvatnið, einkum arsens. Sýni voru tekin á fjölda staða, borholum, gjám og lindum, til greininga á aðal- og snefilefnum. Affall frá Kröfluvirkjun kemur ekki fram svo neinu nemi annars staðar en í Hlíðardalslæk og einni til tveim holum. Á öðrum stöðum er blöndun það hröð að áhrif affallsvatns frá Kröflu hverfa fljótt. Lagt er til að komið verði á reglubundinni vöktun á efnainnihaldi grunnvatns á völdum stöðum í nágrenni Mývatns til að fylgjast með affalli frá jarðhitavirkjunum í Kröflu og Bjarnarflagi