Hitastigulsrannsóknir við Akureyri 1998-2001

Abstract

Greint er frá niðurstöðum hitastigulsborana við innanverðan Eyjafjörð, frá Hörgárósum að Kjarnaskógi og þær færðar á kort. Hitastigull mælist 34-50°C/km á meginhluta þessa svæðis. Það er með því lægsta sem mælist á blágrýtissvæðum landsins. Hár hitastigull mælist við jarðhitasvæðin í Glerárdal og Svalbarðseyri. Ennfremur sést fremur hár hitastigull við Skipalón og nærri Arnarhóli í Eyjafjarðarsveit. Þarna gætu verið óþekkt jarðhitasvæði í grennd. Þá sést tunga með hækkuðum hitastigli teygja sig norður úr klettabeltinu í Kjarnaskógi en hún gæti tengst jarðhitakerfinu við Ytra-Gil. Loks má líta á hitastigul upp á 70°C/km við lögreglustöðina á Akureyri sem vott um hækkaðan stigul miðað við umhverfið. Upptök jarðskjálfta við innanverðan Eyjafjörð voru skoðuð og benda þau til þess að virk sprunga með NA-stefnu liggi undir firðinum NA Hjalteyrar og stefni að Skipalóni eða Laugalandi á Þelamörk. Lagt er til að hitastigulsfrávikin sem fundist hafa verði könnuð með fleiri hitastigulsholum.