Niðurstöður aurburðarmælinga við Sóleyjarhöfða í Þjórsá árið 2003

Abstract

Í skýrslunni er fjallað um niðurstöður mælinga á svif- og skriðaurssýnum sem tekin voru hjá Sóleyjarhöfða við Þjórsá sumarið 2003. Svifaurssýni voru tekin af bakka árinnar yfir allt sumarið (17 sýni) og á þversniði yfir ána (36 sýni) í tveimur sýnatökuferðum í júlí og ágúst. Öll nema tvö svifaurssýnin voru kornastærðargreind og koma í ljós að bakkasýnin vanmátu aurstyrk mikið en þversniðssýnin sýndu nokkuð jafna kornastærðardreifingu innan hvorrar sýnatökuferðar. Meiri breytileiki sást þó í seinni ferðinni og jókst aurstyrkur sýnanna töluvert með rennsli í þeirri ferð. Skriðaurssýni voru tekin á allt að 14 stöðum, alls 156 sýni. Heildarframburður skriðaurs var frá 15,3 til 30,6 kg/s og virðist hann fekar vera háður mismunandi framboði skriðaurs en rennsli Meðalstærð þeirra skriðaurssýna sem voru kornastærðargreind (38 sýni) var frá meðalgrófum sandi og upp í mjög grófan sand, og voru flest frekar illa aðgreind og höfðu neikvæðan skakka.