Hitaveita Rangæinga : eftirlit með jarðhitavinnslu á Laugalandi í Holtum og í Kaldárholti árið 2002

Abstract

Gerð er grein fyrir eftirliti með jarðhitavinnslu Hitaveitu Rangæinga árið 2002. Meðalvinnsla var 11,2 L/s á Laugalandi og 20,5 L/s í Kaldárholti. Nettóorkuvinnslan var 51 GWh, sem er 5% aukning frá 2001. Vatnsborð var á 70-80 m dýpi á Laugalandi í lok árs 200 og hefur mikið hækkað frá því árið 2000 vegna minni vinnslu og niðurdælingar. Engin lækkun vatnsborðs varð milli áranna 2001 og 2002 í holu KH-36 í Kaldárholti. Niðurdæling í holu GN-1 á Laugalandi var um 3,1 L/s að meðaltali árið 2002, um 27% þess sem upp var tekið. Kólnun holu LWN-4 er enn óveruleg og helst talið að niðurdælingarvatnið hríslist betur um heitt bergið en ráð var fyrir gert og/eða að rennslisleiðir vatnsins hafi breyst þegar vinnsla minnkaði og/eða við jarðskjálftana 2000. Telja má víst að niðurdælingin muni valda einhverri kólnun er frá líður, og því er rétt að halda niðurdælingunni í hófi og fylgjast áfram með vatnshita og efnainnihaldi. Nokkrar efnabreytingar hafa orðið í holu LWN-4 á Laugalandi síðan á árinu 2000, sem að mestu leyti má rekja til niðurdælingar efnasnauðara vatns frá Kaldárholti. Örlítil lækkun á kísilstyrk er í mótsögn við það og gæti það verið fyrir áhrif jarðskjálftanna sumarið 2000 og/eða minni vinnslu síðan þá. Ekki hafa orðið verulegar efnabreytingar í holu KH-36 í Kaldárholti á 3ja ára vinnslusögu hennar.