Niðurstöður aurburðarmælinga í Skaftá árið 2003

Abstract

Í þessari skýrslu er fjallað um niðurstöður aurburðarferða sem farnar voru árið 2003 að vestari kvísl Skaftár, Sveinstindi, Ása-Eldvatni, Kirkjubæjarklaustri og Skaftárdal. Í þessum ferðum voru tekin heilduð svifaurssýni, punktsýni og skriðaurssýni ov voru öll svifaurssýni og hluti skriðaurssýna kornastærðargreind. Tvö lítil jökulhlaup komu í Skaftá á árinu og voru sýni tekin í báðum hlaupunum. Svifaursstyrkur og -framburður jókst á öllum stöðum með rennsli, en aðeins var góð fylgni þarna á milli í sýnum frá Sveinstindi og Skaftárdal. Grófustu svifaurssýnin voru tekin við vestari kvísl, en minni munur var á kornastærð milli annarra staða þar sem stærstur hluti svifaursins var yfirleitt grófmór (0,06-0,2 mm). Mikill munur var á flutningi skriðaurs (aðallega sandur og smá möl) innan ferða og á milli ferða á hvern stað. Heildarflutningur skriðaurs var mestur við Sveinstind 15-50 kg/s, en í flestum ferðum við Ása-Eldvatn og Klaustur var han 5-20 kg/s.