Misjafn er sauður í mörgu fé : greining á áhrifaþáttum haustþunga lamba í gagnasafni Hestbúsins 2002-2013

Abstract

Fallþungi lamba hefur farið hækkandi hérlendis hin síðari ár, og má þakka það kynbótum, bættum aðbúnaði, fóðrun og beit. Breytileiki í fallþunga er þó mikill, bæði milli búa og innan búa. Rýrustu lömbin sem koma í sláturhús eru erfið markaðsvara og spilla fyrir sölumöguleikum lambakjöts í heildina. Á árum áður voru of feit lömb verulegt vandamál, sem hefur að mestu tekist að leysa með markvissu kynbótastarfi. Meginmarkmið þessa verkefnis er að skilgreina breytileika í lífþunga lamba að hausti út frá upplýsingum um lömbin og mæður þeirra. Notað er gagnasafn frá tilraunabúi LbhÍ á Hesti sem nær yfir 12 ára tímabil, árin 2002-2013.