Úttekt á öndunarfæravandamálum í sauðfé

Abstract

Hósti í fé, og þá einkum haustlömbum og ásetningslömbum, er þekkt vandamál á Íslandi. Umfang og orsakir hósta hafa þó ekki verið skráð skipulega og ekki eru til yfirgripsmikil gögn sem nota má til þess að leggja mat á vandann. Telja má líklegt að vandamálið sé alvarlegra á sumum búum en öðrum og jafnvel að orsakir geti verið fleiri en ein. Á þeim búum er mikilvægt að grípa til aðgerða gegn öndunarfærasjúkdómum. Til þess að geta unnið markvisst að slíkum aðgerðum þarf að byrja á því að kortleggja vandann svo í framhaldinu verði mögulegt að greina hvaða sýkingarvaldar og áhættuþættir koma fyrir á hverju búi fyrir sig.