Svörtuloft

Abstract

Kona sem sökuð er um fjárkúgun er barin til ólífis nánast fyrir augum lögreglunnar. Árásarmaðurinn kemst undan á hlaupum og allt bendir til þess að þar sé handrukkari á ferð. Rannsókn málsins fellur í óvæntan farveg en á meðan á henni stendur reynir kunnur ógæfumaður ítrekað að ná sambandi við lögregluna með afar óljóst erindi. Arnaldur Indriðason hefur um árabil verið langvinsælasti höfundur landsins. Í þrettándu skáldsögu sinni, Svörtuloftum, tekur hann upp þráðinn frá fyrri bókum og segir enn af lögregluteyminu á Hverfisgötu. Bækur Arnaldar hafa verið þýddar á tugi tungumála, fengið frábærar viðtökur erlendis líkt og heima og víða komist á metsölulista. Jafnframt hefur hann hlotið fjölda verðlauna og viðurkenninga, þar á meðal ein virtustu glæpasagnaverðlaun heims, breska Gullrýtinginn.