Bætt melting - betra líf

Abstract

Meltingin er grunnur allrar starfsemi líkamans og hefur áhrif á andlega jafnt sem líkamlega líðan okkar. Í meltingarveginum er orka unnin úr fæðunni en við verðum lítið vör við starf þarmanna fyrr en eitthvað fer úrskeiðis. Þá er orsökin oftast rangt mataræði og óhollir lifnaðarhættir. Ruslfæði, ofnotkun sýklalyfja og kyrrseta hafa nánast eytt ýmsum góðum bakteríum úr þörmunum en það getur meðal annars valdið fæðuóþoli og offitu. Læknirinn Michael Mosley hefur áður sent frá sér metsölubækurnar 5:2- mataræðið og 8 vikna blóðsykurkúrinn og gert fjölda sjónvarpsþátta um heilsu og lifnaðarhætti. Hér fer hann með okkur í ferðalag um meltingarveginn og ekki síst þarmana, þar sem milljarðar örvera vinna verk sín. Mosley gefur ítarlegar ráðleggingar um heppilegt mataræði og í bókinni eru fjölmargar uppskriftir að girnilegum réttum sem bæta meltinguna.