Skýrsla Orkustofnunar til iðnaðarráðuneytisins um niðurgreiðslu á húshitunarkostnaði

Abstract

Um árabil hefur raforka til húshitunar verið niðurgreidd af opinberu fé. Orkustofnun er samkvæmt lögum frá 2002 falið að hafa umsjón með málaflokknum og skila árlega skýrslu til iðnaðarráðherra. Í skýrslunni er að finna tölulegar upplýsingar frá 2009 um niðurgreiðslur til lækkunar á húshitunarkostnaði þeirra íbúa landsins sem ekki njóta hitaveitu. Þar er einnig að finna upplýsingur um sérstakar aðgerðir með sama markmiði, þ.e. niðurgreiðslur á olíuhitun og vegna einkarafstöðva, eingreiðslur til stofnunar hitaveitna eða stækkunar eldri veitna, smávirkjanir og varmadælur, jarðhitaleit á köldum svæðum og svo kallað orkusparnaðarátak. Skýrslan inniheldur einnig með sama hætti endurskoðaða áætlun fyrir árið 2010 og áætlun fyrir árið 2011. Skýrslan var gerð í september 2010 og endurskoðuð í lok desember 2010. Einnig eru lagðar fram tillögur að framkvæmd niðurgreiðslna í dreifbýli, breytingar á umsóknarferli hitaveitna til eingreiðslna og að sérstakt átak verði gert til þess að kortleggja jarðhitaleitarátak stjórnvalda frá 1998 til þessa dags.