#

Umferðarspá 2012-2060

Skoða fulla færslu

Titill: Umferðarspá 2012-2060Umferðarspá 2012-2060
Höfundur: Friðleifur Ingi Brynjarsson 1963
URI: http://hdl.handle.net/10802/7028
Útgefandi: Vegagerðin
Útgáfa: 07.2013
Efnisorð: Umferðarmál; Ísland
ISBN: 9789935460127 (rafrænt)
Tungumál: Íslenska
Tengd vefsíðuslóð: http://www.vegagerdin.is/media/upplysingar-og-utgafa/Spa_2012-2060.pdf
Tegund: Bók
Gegnir ID: 001315721
Athugasemdir: Myndefni: línurit, töflur.Þessi skýrsla inniheldur endurskoðun á spá um akstur á þjóðvegum, sem gilt hefur frá árinu 2005. Endurskoðunin fór fram í árslok 2012 og fyrripart ársins 2013 en upphafsár spárinnar er árið 2012. Þorsteinn Þorsteinsson verkfræðingur hjá Verkfræði- og náttúruvísindasvið Háskóla Íslands las yfir og gaf góð ráð.

Til að gæta samræmis við mannfjöldaspá Hagstofu Íslands þá gildir spáin til ársins 2060.

Þegar spáð er svo langt fram í tímann, eins og hér er gert, er nauðsynlegt að haft sé í huga að mikil óvissa fylgir slíkri spá og sérstaklega þegar tekið er tillit til þess að undanfarin 4 – 5 ár hafa ríkt fordæmalausir tímar, sjá nánar kafla 2.4.1.

Í eðlilegu árferði er umferðarspá Vegagerðarinnar endurskoðuð á 5 ára fresti. Því hefði þessi endurskoðun átt að fara fram árið 2011, en vegna bankahrunsins árið 2008 var þeirri vinnu frestað þar til fyrirséð væri að samdráttur í umferð, sem rekja mátti þess, myndi stöðvast. Nú bendir staðfest niðurstaða, fyrir árið 2012 og 16 lykilteljarar Vegagerðarinnar á Hringvegi ásamt þremur mælisniðum á höfuðborgarsvæðinu, til þess að samdrætti í umferð sé lokið.

Spálíkan Vegagerðarinnar er nokkuð komið til ára sinna en það byggir á framreikningi er tekur mið af þróun úr fortíð sem yfirfærð er á framtíðina. Fáar inntaksstærðir eru í líkaninu: mannfjöldaþróun, bílaeign og akstur. Þetta takmarkar spána verulega þar sem ekki er hægt að segja til um hvað gæti gerst ef t.d. aldursdreifing þjóðarinnar, kaupmáttur, eldsneytisverð og verg landsframleiðsla þróast með ólíkum hætti, svo fátt eitt sé nefnt. Sjá nánar kafla 3.

Núverandi spálíkan gengur út frá því að mettun í bílaeign muni eiga sér stað. Þetta hefur ávalt verið gert í spám Vegagerðarinnar og er rökstutt með því að benda á að bílum á hvern íbúa geti ekki fjölgað óendalega. Mettunarmörk eru áætluð stærð og við val á þeim var ákveðin ein tala sem gildir samtals fyrir allar tegundir bíla. Þetta er gert þótt að mettunarmörk kunni e.t.v. að vera ólík eftir tegundum ökutækja. Þessi aðferð er studd með vísan til þess að innbyrðis hlutfall á milli bílategunda hefur haldist svo til óbreytt frá því að skráning þeirra í undirflokka hófst. Einnig má benda á þá staðreynd að fólksbílar eru yfirgnæfandi stærð í bílaeign landsmanna. Frá árinu 1993 hefur hlutfall fólksbíla, af skráðum ökutækjum, haldist lítið breytt í kringum um 87%, hópferðabílar um 1%, sendibílar um 7% og vörubifreiðar um 4%, sjá nánar á mynd nr. 2. Áhrif annara ökutækja en fólksbíla eru hverfandi og því ætti þessi aðferð ekki að auka ónákvæmni spárinnar, sem nokkru nemi eða máli skipti.

Eins og í fyrri umferðarspá Vegagerðarinnar, var ákveðið að birta fleiri en eitt afbrigði eða þrjú samtals: lágspá, miðspá og háspá. Á bls. 1 í mannfjöldaspá Hagstofunnar kemur fram að hún beitir einnig sömu aðferðafræði, sjá nánar kafla 2.1.


Skrár

Skrá Stærð Skráartegund Skoða
Spa_2012-2060.pdf 1.392Mb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta