#

Gróður, fuglar, hreindýr og verndargildi á og við vegarstæði yfir Öxi, í Skriðdal og um botn Berufjarðar

Skoða fulla færslu

Titill: Gróður, fuglar, hreindýr og verndargildi á og við vegarstæði yfir Öxi, í Skriðdal og um botn BerufjarðarGróður, fuglar, hreindýr og verndargildi á og við vegarstæði yfir Öxi, í Skriðdal og um botn Berufjarðar
Höfundur:
URI: http://hdl.handle.net/10802/6806
Útgefandi: Náttúrustofa Austurlands
Útgáfa: 04.2009
Ritröð: Náttúrustofa Austurlands ; NA-090090
Efnisorð: Gróðurfar; Dýralíf; Umhverfisvernd; Umhverfisáhrif; Vegagerð; Skriðdalur; Berufjörður (Suður-Múlasýsla)
Tungumál: Íslenska
Tengd vefsíðuslóð: http://www.na.is/images/stories/utgefid/2009og2010/NA-090090-%20Axarvegur.pdf
Tegund: Bók
Gegnir ID: 991010525339706886
Athugasemdir: Unnið fyrir Vegagerðina
Myndefni: myndir, töflur
Áætlanir eru hjá Vegagerðinni um lagningu nýs vegar um Öxi og endurbyggingu á hluta Hringvegar í Skriðdal og Hringvegar í botni Berufjarðar. Í tengslum við það er í þessari skýrslu gerð grein fyrir gróðurlendum, tegundafjölbreytni gróðurs, fjölbreytni og þéttleika fugla, aflað upplýsinga um hreindýr og lagt mat á verndargildi landslagsheilda á svæðinu sem nær yfir mögulegt framkvæmdasvæði vegagerðar og efnistöku.

Niðurstöður sýna að gróður er fjölbreyttur en mis gróskumikill. Á láglendi í Skriðdal og í Berufirði er gróðurþekjan víða gróskumikil og samfelld en er minni á Öxi þar sem hún er meira rofin. Votlendi eru víða og birkiskógur og kjarr er í Skriðdal og í Berufirði. Á áhrifasvæðum veglína A, B, C og D eru gróðurfarsleg verðmæti töluverð. Minnsta gróðurþekja er á veglínu Z í botni Berufjarðar.

Fuglalíf er í heild sinni í meðallagi fjölskrúðugt en leiran fyrir botni Berufjarðar er sérstök fyrir svæðið vegna fjölda tegunda og einstaklinga. Fuglategundir á válista finnast á svæðinu. Mest áhrif vegagerðar á fugla verða ef farið er með veg nærri leirunni í Berufirði og í fjöru í norðanverðum firðinum.

Hreindýr fara um þetta svæði. Ekki er talið að vegagerð muni hafa mikil áhrif á dýrin en aukin umferð og meiri hraði á nýjum Axarvegi mun auka hættuna á árekstrum við hreindýr.

Niðurstöður áhrifa á verndargildi landslagsheilda sýna að áhrifin af vegagerð verða ekki víðtæk í Skriðdal og á Öxi. Hins vegar gætu vatnakerfin orðið fyrir skaða ef mikið rask verður í þeim. Áhrif vegagerðar í Berufirði geta orðið töluverð. Röskun á leirunni í Berufirði getur rýrt búsvæði fugla og annarra lífvera í leirunum.


Skrár

Skrá Stærð Skráartegund Skoða
NA-090090- Axarvegur.pdf 20.36Mb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta