#

Rannsóknir á mosa við jarðvarmavirkjun Orkuveitu Reykjavíkur á Hellisheiði.

Skoða fulla færslu

Titill: Rannsóknir á mosa við jarðvarmavirkjun Orkuveitu Reykjavíkur á Hellisheiði.Rannsóknir á mosa við jarðvarmavirkjun Orkuveitu Reykjavíkur á Hellisheiði.
Höfundur: Árni Bragason 1953 ; Eva Yngvadóttir 1964 ; Orkuveita Reykjavíkur
URI: http://hdl.handle.net/10802/6637
Útgefandi: EFLA verkfræðistofa
Útgáfa: 2009
Efnisorð: Mosar; Efnagreining; Rannsóknir; Jarðvarmaveitur; Hellisheiði
Tungumál: Íslenska
Tengd vefsíðuslóð: https://www.hafnarfjordur.is/media/umhverfi-og-gotur/RannsoknirMosi.pdf
Tegund: Bók
Gegnir ID: 991007641239706886
Athugasemdir: Unnið fyrir Orkuveitu Reykjavíkur
Myndefni: myndir, kort, gröf
Markmið þessarar rannsóknar var að:

• Meta styrk brennisteins og annarra efna í mosa, á svæði í kringum jarðvarmavirkjun Orkuveitu Reykjavíkur á Hellisheiði.

• Leggja mat á það hvort þessi efni yllu skemmdum á mosa.

• Meta hvort skemmdir í mosa mætti rekja til náttúrulegs rofs.

Rannsóknin náði yfir nokkur afmörkuð svæði við Hellisheiðarvirkjun þ.e. sýni voru tekin á svæði í SV átt út frá stöðvarhúsi virkjunar þar sem helsti útblástur á gasi kemur frá virkjuninni. Auk þess voru sýni tekin á afmörkuðu svæði við borholu 17 (HE-17) og svæði við neyðarlosun þar sem greinilegar skemmdir sáust á mosa.

Einnig voru sýni tekin á svæðum við aðrar jarðvarmavirkjanir (Nesjavelli og Svartsengi) til samanburðar. Loks voru sýni tekin til viðmiðunar á svæði í Bláfjöllum sem er í sömu hæð yfir sjó og Hellisheiðarvirkjun, á stað sem er í margra kílómetra fjarlægð frá öllum jarðvarmavirkjunum.

Tekin voru sýni til efnagreiningar af gamburmosa (Racomitrium lanuginosum) öðru nafni grámosa eða hraungambra. Þessi mosategund er algeng á Suður- og Suðvesturlandi og ábending hafði borist um skemmdir í þeirri tegund á svæði nálægt Hellisheiðarvirkjun. Einnig voru sýni tekin af háplöntunni stinnastör (Carex bigelowii) til rannsóknar. Sýni voru tekin á 10 stöðum í kringum Hellisheiðarvirkjun, 7 stöðum við Nesjavallavirkjun, 3 stöðum við jarðvarmavirkjunina á Svartsengi og einum stað í Bláfjöllum sem hafður var sem viðmiðun.

Eftir sýnatöku voru öll sýnin af mosa og stinnastör þurrkuð, möluð og efnagreind á rannsóknastofu ALS Analytica Scandinavia í Svíþjóð, þar sem 25 frumefni voru greind í alls 68 sýnum af gamburmosa (52 sýni) og stinnastör (16 sýni).

Í þessari skýrslu er áhersla lögð á umfjöllun um þau snefilefni í jarðhitagufunni sem talin eru mengandi þ.e. brennistein, arsen, bór, og kvikasilfur en niðurstöður efnagreininga allra annarra snefilefna sem mæld voru eru birtar í viðaukum.


Skrár

Skrá Stærð Skráartegund Skoða
Mosaskemmdir.zip 7.548Mb Óþekkt Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta