Skúfnavatnavirkjun - Þverá á Langadalsströnd : forathugun

Abstract

Gerð er grein fyrir niðurstöðum forathugunar á virkjun Þverár á Langadalsströnd. Miðað er við að vatni verði veitt úr Hvannadalsá og Austurmannagili yfir í Þverá. Þverá er stífluð neðan Skúfnavatna og myndast 24.5 Gl miðlun sem einnig er inntakslón virkjunar. Þaðan er virkjað í einu þrepi niður í Hvannadal með um 900 m löngum aðrennslisskurði og 1400 m niðurgrafinni pípu, að stöðvarhúsi sem staðsett yrði í Rauðamýrarfjalli, og frá því liggja um 600 m löng frárennslisgöng með útrás í Hvannadalsá. Virkjað er fall frá 412 m.y.s. Gerð er áætlun um 8,5 MW virkjun sem framleiddi um 90 GWh af orku á ári. Stofnkostnaður á orkueiningu er um 42 kr/kWH/A (verðlag janúar 2001). Fyrirkomulagi virkjunar er lýst ásamt kostnaðaryfirliti helstu verkþátta og fjallað er lauslega um staðhætti, jarðfræði og umhverfismál