Virkjanir í Efri Hvítá ofan Gullfoss : forathugun

Abstract

Fjallað er um tvær virkjanir í Efri Hvítá, Bláfellsvirkjun og Gýgjarfossvirkjun. Við Bláfellsvirkjun er Hvítá stífluð við Lambafell norausta við Bláfell á Kili, skammt neðan ármóta Hvítár og Jökulkvíslar (Jökulfalls). Miðlun í Hvítárvatni byggist á að draga niður í vatninu um allt að 5 m. Vatni er veitt um 11,4 km aðrennslisgöng í gegnum Bláfell að Fremstaveri þar sem tveimur 38 MW aflvélum er komið fyrir neðanjarðar. Verg fallhæð er 156 m, virkjað rennsli er 64 m3/s og orkugeta er áætluð 536 GWh/a. Einingarkostnaður orku er 29,5 kr/kWh/a og hagkvæmnitala 1,12. Við Gýgarfossvirkjun, erJökulkvísl stífluð við Ásgarðsfjall norðan Kerlingarfjalla og myndað tæplega 14 km2 miðlunarlón. Vatni er veitt um 7 km göng niður fyrir Gýgjarfoss þar sem einni 14 MW aflvél er komið fyrir neðanjarðar. Verg fallhæð er 156 m, virkjað rennsli er 12 m3/s og orkugeta er áætluð 101 GWh/a. Einingarkostnaður orku er 66,3 kr/kWh/a og hagkvæmnitala 2,54.