Undirbúningur fyrir veitingu leyfa til rannsóknar og vinnslu kolvetnis

Abstract

Skýrslan er fyrsti áfangi að undirbúningi fyrir veitingu leyfa til rannsókna og vinnslu á kolvetni á landgrunni Íslands. Fremst er samantekt á efninu. Síðan kemur stutt greinargerð um fyrirkomulag við veitingu leyfa til rannsókna og vinnslu á kolvetni í Færeyjum, Grænlandi, Noregi og Írlandi. Næst eru drög að stöðluðu rannsóknar- og vinnsluleyfi ásamt viðaukum og greinargerð um uppsögn leyfis og eftirgjöf svæða. Þá koma tvær greinargerðir, annars vegar um skatta og gjöld og hins vegar um umhverfis- og öryggismál. Loks er greinargerð um samkomulag við Noreg um olíuvinnslu á Jan Mayen-svæðinu. Greinargerðunum og drögunum að stöðluðu rannsóknar- og vinnsluleyfi er ætlað að draga fram þessi atriði og mynda grundvöll til umræðu, bæði hjá samráðsnefnd um landgrunns- og olíuleitarmál og þeim vinnuhópum sem kunna að koma að undirbúningi málsins í framhaldi af þessari athugun. Lögð er áhersla á það í skýrslunni að tilgreina hvaða verkefni þarf að vinna frekar.