Rekstrar- og starfsumhverfi upplýsingamiðstöðva

Abstract

Tæplega hálf milljón gesta komu á upplýsingamiðstöðvarnar árið 2002.

Flestar upplýsingamiðstöðvarnar sem opnar voru allt árið voru með rekstrarfjármagn frá 5 til 10 milljónir króna.

Ferðamálaráð Íslands lagði fram 59% af heildarrekstrarfjármagni landamærastöðva, sveitarfélögin um 34% og 7% var aflað með sértekjum.

Um 44% af heildarrekstrarfjármagni landshlutamiðstöðva var aflað með sértekjum. Sveitarfélögin lögðu fram 23% af heildarekstrarframlaginu og Ferðamálaráðs Íslands um 21%. Atvinnuþróunarfélög, ferðaþjónustuaðilar, ferðamálasamtök landshlutanna lögðu fram 12% af rekstrarfjármagni stöðvanna.

Sveitarfélögin lögðu fram 82% af heildarrekstrarfjármagni svæðamiðstöðvanna, 15% var aflað með sértekjum og 3% fjármögnuðu ferðaþjónustuaðilar.

Afgerandi meirihluti umsjónaraðila taldi nauðsynlegt rekstrarframlög hækkuðu verulega til að hægt yrði að auka rekstraröryggi upplýsingamiðstöðva.

Nokkrir umsjónaraðilar töldu skilningsleysi ríkjandi á sveitarstjórnarstiginu í sambandi við það að starfrækja upplýsingamiðstöðva á ársgrundvelli.

Sértekjur vegna rekstur tjaldsvæða var besta tekjulindin á viðkomandi upplýsingamiðstöðvum.

Afgerandi meirihluti umsjónaraðila taldi að helsta sóknarfæri við öflun sértekna fælist í bókunarþjónustu. Starfssvið umsjónaraðila var afar margbreytilegt og fól meðal annars í sér daglegan rekstur, stefnumótun, markaðssetningu, ráðgjöf, kynningarherferðir og öflun viðskiptavina.

Meðal-starfsaldur umsjónaraðila var 34 mánuðir.

Á flestum upplýsingamiðstöðvum störfuðu tveir starfsmenn yfir háönn og einn yfir lágönn fyrir utan forstöðumann.

Það voru um fjörtíu ársverk á upplýsingamiðstöðvunum árið 2002.

Meðallaun starfsfólks voru frá 111-140 þúsund krónur á mánuði.

Flestir umsjónaraðilar töldu að fleiri gestir kæmu árið 2003 en árið á undan.

Afgerandi meirihluti umsjónaraðila taldi frekar mikið mikilvægt eða mjög mikilvægt að upplýsingamiðstöðin tæki þátt í markaðssetningu.

Afgerandi meirihluti umsjónaraðila taldi frekar mikilvægt eða mjög mikilvægt að vera í samstarfi við ferðamálafulltrúa, sveitarfélögin, Ferðamálaráð Íslands og ferðaþjónustuaðila.

Meirihluti umsjónaraðila taldi samstarf við þá aðila sem tilgreindir voru almennt vera minna en æskilegt væri.

Afgerandi meirihluti umsjónaraðila mátu náttúru og náttúrutengda afþreyingu einn helsta styrkleika ferðþjónustunnar.

Afgerandi meirihluti umsjónaraðila sagði að nauðsynlegt væri að efla samstarf milli aðila innan ferðaþjónustunnar. Aukin hagræðing í atvinnugreininni væri álitin grundvallar forsenda þess að hægt yrði að auka arðsemi hennar.