#

Ræktun eða rányrkja : skattstofnar atvinnulífsins : tillögur SA.

Skoða venjulega færslu

dc.contributor Samtök atvinnulífsins is
dc.date.accessioned 2014-06-18T12:07:34Z
dc.date.available 2014-06-18T12:07:34Z
dc.date.issued 2012-11
dc.identifier.uri http://hdl.handle.net/10802/5490
dc.description Myndefni: myndir, línurit, töflur is
dc.description Það er mikilvægt fyrir þjóðina að rekstur hins opinbera sé hagkvæmur. Skattheimtu er ekki hægt að þenja út fyrir tiltekin mörk án þess að hún rýri sjálfa skattstofnana. Forsendur varanlegrar tekjuaukningar ríkissjóðs eru auknar fjárfestingar sem leiða til aukinnar verðmætasköpunar og fjölgunar starfa þannig að fleiri fyrirtæki og einstaklingar greiði skatta en færri þiggi bætur og styrki.

Skattalegt umhverfi í landinu á að miða að því að ná fram sem mestri hagkvæmni. Skattkerfið á fyrst og fremst að vera skilvirkt tekjuöflunartæki ríkissjóðs og sveitarfélaga. Það á að vera gegnsætt og laust við flækjur, skattstofnar eiga að vera breiðir og skattprósentur fáar og lágar. Með því móti er dregið úr hvata til undanskota. Markmiðum um jafnari tekjuskiptingu verður best náð með aðgerðum á útgjaldahlið. Þannig fæst m.a. skýrari mynd af kostnaði við tekjujöfnun. Þetta er niðurstaða alþjóðastofnana á borð við OECD og AGS og var mjög vel lýst í skýrslu skattasérfræðinga AGS um skattkerfið á Íslandi í júní 2010.

Stjórn opinberra fjármála styður best við efnahagslegan stöðugleika með því að hafa fyrirsjáanleika sem mestan og að dregið sé úr óvissu eins og unnt er. Fyrirtæki og heimili taka ákvarðanir um ráðstöfun fjármuna og skuldsetningu meðal annars á forsendum um skattlagningu. Miklar, örar og handahófskenndar skattabreytingar rýra hag allra skattgreiðenda. Ein meginforsenda árangurs í rekstri opinberra stofnana er að stjórnendur og starfsfólk þeirra hafi nægilegt svigrúm til að laga þjónustuna eða starfsemina að langtímamarkmiðum. Mikilvægt er að stjórnvöld hvetji til fjárfestinga með því að stuðla að stöðugleika í rekstrarumhverfi atvinnulífsins, afnema misfellur í skattkerfinu sem hindra fjárfestingu og nýsköpun og greiða götu erlendra fjárfestinga á Íslandi. Óhóflega tíðar skattabreytingar og sá hraði sem þeim hefur fylgt hafa kostað mikla sérfræðivinnu við að endurskoða áætlanir, stilla og breyta tölvukerfum og greiða úr óvissu um ýmis túlkunaratriði bæði hjá ríkisskattstjóra og fyrirtækjum.

Haustið 2009 tók ríkisstjórnin upp nýja skattstofna og hækkaði aðra sem þrengdi að fyrirtækjum og almenningi. Breytingar voru gerðar með miklum hraða, og án samráðs við þá sem þær snertu, og meðal þeirra voru fjölmargar breytingar á skattalögum sem hafa einungis aukið skattaflækjur og gert atvinnulífinu erfitt fyrir en ekki aukið tekjur eins og ætlað var. Þrátt fyrir hávær mótmæli atvinnulífsins og fleiri aðila voru breytingarnar afgreiddar á Alþingi um miðjan desember 2009 með gildistöku þá um áramót.

Allt of margar breytingar á íslenskri skattalöggjöf undanfarin þrjú ár hafa verið til þess fallnar að draga úr fjárfestingum og vilja til þátttöku í atvinnurekstri. Órækur vitnisburður um það er sú staðreynd að áform um fjárfestingar, aukinn hagvöxt og jöfnuð í afkomu ríkissjóðs hafa ekki gengið eftir eins og gert var ráð fyrir í efnahagsáætlun stjórnvalda og Alþjóðagjaldeyrissjóðsins 2009.

Samtök atvinnulífsins leggja því til að þessar skattabreytingar gangi til baka í áföngum á næstu fjórum árum til að bæta samkeppnishæfni atvinnulífsins, örva fjárfestingar, atvinnusköpun og þar með hagvöxt. Tekjutapi ríkissjóðs verði mætt með endurbótum á skattstofnum sem best eru til þess fallnir að afla ríkissjóði tekna. Til dæmis mun lækkun á tekjuskatti fyrirtækja stuðla að auknum fjárfestingum og þar með stærri skattstofnum og þarf því ekki að hafa áhyggjur af lækkuðum tekjum ríkissjóðs. Skattstofnana verður að rækta til að þeir skili auknum tekjum, rányrkja á þessu sviði er ekki síður skaðleg en í náttúrunni.

Jafnframt leggja Samtök atvinnulífsins áherslu á að stjórnvöld fari að leiðbeiningum sem þau sjálf hafa sett um samráð við hagsmunaaðila og um mat á áhrifum breytinga við undirbúning og samningu stjórnarfrumvarpa. Meðalhóf, skýrleiki og rúmur gildistökutími verði ætíð höfð að leiðarljósi við breytingar á skattkerfinu.

Í starfshópnum sem vann að gerð skýrslunnar voru: Alexander G. Eðvardsson, KPMG; Andrés Magnússon, SVÞ; Bjarni Már Gylfason, SI; Erna Hauksdóttir, SAF; Friðgeir Sigurðsson, PWC; Guðbergur Rúnarsson, SF; Gústaf Adolf Skúlason, Samorku; Jóna Björk Guðnadóttir, SFF; Sveinn Hjörtur Hjartarson, LÍÚ og Vala Valtýsdóttir, Deloitte. Hannes G. Sigurðsson og Halldór Árnason, starfsmenn SA, sáu um ritstjórn skýrslunnar.		 is
dc.format.extent 53 s. is
dc.language.iso is
dc.publisher Samtök atvinnulífsins is
dc.relation.uri https://sa.is/media/1154/skattstofnar-atvinnulifsins-raektun-eda-ranyrkja_27540433.pdf
dc.subject Skattar is
dc.subject Atvinnulíf is
dc.subject Ísland is
dc.title Ræktun eða rányrkja : skattstofnar atvinnulífsins : tillögur SA. is
dc.type Bók is
dc.identifier.gegnir 991002822679706886


Skrár

Skrá Stærð Skráartegund Skoða
Skattstofnar at ... eða rányrkja._27540433.pdf 2.168Mb PDF Skoða/Opna

Þetta verk birtist í eftirfarandi flokki:

Skoða venjulega færslu

Leita


Fletta