#

Byggðir og búseta : þéttbýlismyndun á Íslandi : haustskýrsla 2002

Skoða fulla færslu

Titill: Byggðir og búseta : þéttbýlismyndun á Íslandi : haustskýrsla 2002Byggðir og búseta : þéttbýlismyndun á Íslandi : haustskýrsla 2002
Höfundur: Axel Hall 1971 ; Ásgeir Jónsson 1970 ; Sveinn Agnarsson 1958
URI: http://hdl.handle.net/10802/5089
Útgefandi: Hagfræðistofnun Háskóla Íslands
Útgáfa: 2003
Efnisorð: Þéttbýli; Þéttbýlismyndun; Búferlaflutningar; Fólksflutningar (félagsfræði); Búseta; Byggðaþróun; Skýrslur; Ísland
ISBN: 9979904534 (ób.)
Tungumál: Íslenska
Tengd vefsíðuslóð: http://hhi.hi.is/sites/hhi.hi.is/files/B-series/Med_forsidu/Byggdir_og_buseta.pdf
Tegund: Skýrsla
Gegnir ID: 991000764989706886
Athugasemdir: Formáli / Tryggvi Þór Herbertsson s. 9
Myndefni: kort, línurit, töflur
Þetta rit er þriðja haustskýrsla Hagfræðistofnunar um efnahagsmál, en fyrsta skýrsla stofnunarinnar í þessari ritröð kom út haustið 2000 og fjallaði um viðskiptajöfnuð frá ýmsum sjónarmiðum. Önnur skýrsla stofnunarinnar fjallaði um tekjuskiptingu á Íslandi. Nú er sjónum beint að byggðamálum og búsetu. Segja má að á Íslandi hafi tuttugasta öldin verið öld búferlaflutninga. Nú, við upphaf nýrrar aldar, búa 60% þjóðarinnar á einum þéttbýlisstað.

Þessir flutningar hafa valdið miklu efnahagslegu og félagslegu róti og stjórnvöld hafa allt fram til þessa dags mótað efnahagsstefnu sem oft og tíðum hefur beinst með beinum eða óbeinum hætti að því að vinna gegn þessari þróun. En hvaða hagrænu kraftar eru það sem knýja þessa þróun áfram? Er þetta ferli viðvarandi og mun þjóðin á endanum setjast að á einum þéttbýlisstað eða mun ferlið snúast við og útrás frá höfuðborgarsvæðinu hefjast?

Í skýrslunni er leitað svara við spurningum sem þessum. Með því að greina búsetubreytingar í ljósi sögunnar og efnahagslegra aðstæðna er leitast við að svara því hvort styrkur höfuðborgarsvæðisins sé tilkominn vegna sögulegra tilviljana, hvaða togkraftar valdi þéttingu byggðar og hvort einhverjir fráhrindikraftar séu til staðar sem myndi mótvægi. Áhrif samgangna og samgöngubóta á byggðaþróun eru skoðuð með hagrænum líkönum. Sjávarútvegur skiptir miklu máli fyrir byggðir landsins og þáttur hans er því athugaður sérstaklega. Ekki er hægt að rannsaka byggð og búsetu án þess að skoða og greina búsetubreytingarnar ítarlega. Þetta er gert með tilstyrk umfangsmikilla tölfræðilegra rannsókna á búsetubreytingum sem gerðar voru í tengslum við verkefnið. Fylgst er með búsetu einstaklinga sem telja fram til skatts yfir tólf ára tímabil, frá árinu 1988–2000. Áhrif aldurs og menntunar á búferlaflutninga eru skoðuð sérstaklega.

Rannsóknin var gerð á tímabilinu janúar til desember 2002. Margir hafa komið að gerð þessarar skýrslu og eiga þeir þakkir skildar. Sérstaklega er þó vert að geta Maríu Sigrúnar Hilmarsdóttur sem vann mjög mikilvægt starf í tengslum við kafla 6 og 7, og Ástu Herdísar Hall fyrir gagnavinnslu vegna athugunar á búferlaflutningum í kafla 10. Ennfremur lögðu Þóra Helgadóttir og Heiðrún Guðmundsdóttir gjörva hönd á plóg. Loks vilja höfundar þakka Indriða H. Þorlákssyni ríkisskattstjóra fyrir aðgang að gögnum sem gerðu rannsókn á búsetubreytingum, sem kynnt er í 10. kafla, mögulega. Rannsóknin er styrkt af forsætisráðuneytinu.
Útdráttur: English summary: s. 207-213


Skrár

Skrá Stærð Skráartegund Skoða
Byggdir_og_buseta.pdf 1.083Mb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta