Fjöldi starfa og afleidd störf í landbúnaði á Íslandi

Abstract

Í þessari skýrslu er fjallað um fjölda starfa í landbúnaði á Íslandi og lagt mat á fjölda tengdra starfa. Samkvæmt tölum Hagstofu Íslands störfuðu að jafnaði um 4.000 manns í landbúnaði árið 2005, sem er nálægt 2½% af heildarvinnuafli. Samkvæmt útreikningum okkar má ætla að fjöldi þeirra sem störfuðu í tengslum við landbúnað sé um 10.000 árið 2007.

Þá fylgja skýrslunni þrír viðaukar. Í þeim fyrsta er fjallað um skiptingu starfa sem tengjast landbúnaði eftir helstu búgreinum. Í öðrum viðauka er fjallað um skiptingu starfa eftir landshlutum. Að síðustu er viðauki sem lýsir nánar þeim aðferðum sem notaðar eru við útreikninga skýrslunnar.